James 2
1បងប្អូនរបស់ខ្ញុំអើយ! ត្រូវមានជំនឿលើព្រះយេស៊ូគ្រិស្ដជាព្រះអម្ចាស់របស់យើងដែលប្រកបដោយសិរីរុងរឿងដោយមិនមានសេចក្ដីលំអៀងឡើយ 2ដ្បិតបើមានមនុស្សម្នាក់ចូលក្នុងសាលាប្រជុំរបស់អ្នករាល់គ្នាទាំងពាក់ចិញ្ចៀនមាសនិងសម្លៀកបំពាក់ភ្លឺផ្លេកហើយមានអ្នកក្រម្នាក់ស្លៀកពាក់កខ្វក់ចូលមកដែរ 3រួចអ្នករាល់គ្នាក៏មើលទៅអ្នកដែលស្លៀកពាក់ភ្លឺផ្លេកនោះទាំងនិយាយថាសូមអញ្ជើញអង្គុយនៅកន្លែងកិត្ដិយសនេះចុះហើយនិយាយទៅកាន់អ្នកក្រថាចូរឈរនៅទីនោះឬនិយាយថាចូរអង្គុយនៅក្បែរកំណល់ជើងរបស់ខ្ញុំនេះចុះ 4តើនោះមិនបានសេចក្ដីថាអ្នករាល់គ្នារាប់អានមនុស្សដោយរើសមុខក្នុងចំណោមអ្នករាល់គ្នាហើយត្រលប់ជាអ្នកវិនិច្ឆ័យគេដោយគំនិតអាក្រក់របស់ខ្លួនទេឬ? 5ចូរស្ដាប់ចុះបងប្អូនជាទីស្រឡាញ់របស់ខ្ញុំអើយ! តើព្រះជាម្ចាស់មិនបានជ្រើសរើសអ្នកក្រនៅក្នុងពិភពលោកនេះឲ្យធ្វើជាអ្នកមានខាងឯជំនឿនិងជាអ្នកទទួលបាននគរដែលព្រះអង្គបានសន្យាសម្រាប់អស់អ្នកដែលស្រលាញ់ព្រះអង្គទុកជាមរតកទេឬ? 6ប៉ុន្ដែអ្នករាល់គ្នាបែរជាធ្វើឲ្យអ្នកក្រអាម៉ាស់ទៅវិញតើមិនមែនពួកអ្នកមានទេឬដែលសង្កត់សង្កិនហើយអូសអ្នករាល់គ្នាទៅតុលាការ? 7តើមិនមែនពួកអ្នកមានទេឬដែលប្រមាថនាមដ៏ល្អដែលគេហៅអ្នករាល់គ្នាតាមនាមនោះ? 8បើអ្នករាល់គ្នាធ្វើតាមក្រឹត្យវិន័យដ៏ប្រសើរស្របតាមបទគម្ពីរដែលបានចែងថាចូរស្រលាញ់អ្នកជិតខាងរបស់ខ្លួនឲ្យដូចខ្លួនឯងនោះអ្នករាល់គ្នាប្រព្រឹត្ដបានល្អហើយ 9ប៉ុន្ដែបើអ្នករាល់គ្នាមានសេចក្ដីលំអៀងនោះអ្នករាល់គ្នាប្រព្រឹត្ដបាបហើយក្រឹត្យវិន័យក៏បង្ហាញថាអ្នករាល់គ្នាជាអ្នកល្មើសក្រិត្យវិន័យដែរ។ 10ដ្បិតអ្នកណាដែលកាន់តាមក្រឹត្យវិន័យទាំងអស់ប៉ុន្ដែបានធ្វើខុសត្រង់ចំណុចណាមួយនោះត្រលប់ជាមានទោសនៅចំពោះក្រឹត្យវិន័យទាំងអស់ហើយ 11ដ្បិតព្រះជាម្ចាស់ដែលមានបន្ទូលថាកុំប្រព្រឹត្ដអំពើផិតក្បត់ព្រះអង្គក៏បានមានបន្ទូលដែរថាកុំសម្លាប់មនុស្ស។ ដូច្នេះទោះបីអ្នកមិនបានប្រព្រឹត្តអំពើផិតក្បត់ក៏ដោយប៉ុន្ដែបានសម្លាប់មនុស្សនោះអ្នកបានត្រលប់ជាអ្នកល្មើសនឹងក្រឹត្យវិន័យហើយ។ 12ដូច្នេះចូរអ្នករាល់គ្នានិយាយព្រមទាំងប្រព្រឹត្ដឲ្យស័ក្ដិសមជាពួកអ្នកដែលក្រឹត្យវិន័យនៃសេរីភាពរៀបនឹងជំនុំជម្រះចុះ 13ដ្បិតការជំនុំជម្រះគ្មានសេចក្ដីមេត្ដាករុណាទេចំពោះអស់អ្នកដែលគ្មានសេចក្ដីមេត្ដាករុណាប៉ុន្ដែសេចក្ដីមេត្ដាករុណានឹងឈ្នះការជំនុំជម្រះ។ 14ឱបងប្អូនរបស់ខ្ញុំអើយ! បើមានអ្នកណានិយាយថាខ្លួនមានជំនឿប៉ុន្ដែគ្មានការប្រព្រឹត្ដិតើមានប្រយោជន៍អ្វី? តើជំនឿបែបនេះអាចសង្គ្រោះអ្នកនោះបានដែរឬទេ? 15បើមានបងប្អូនប្រុសឬស្រីណាម្នាក់រស់នៅដោយខ្វះសម្លៀកបំពាក់និងខ្វះអាហារបរិភោគប្រចាំថ្ងៃ 16ហើយមានម្នាក់ក្នុងចំណោមអ្នករាល់គ្នានិយាយទៅបងប្អូននោះថាសូមអញ្ជើញទៅឲ្យបានសេចក្ដីសុខសូមឲ្យបានកក់ក្ដៅនិងឆ្អែតចុះប៉ុន្ដែមិនបានឲ្យអ្វីៗដែលបងប្អូននោះត្រូវការសម្រាប់រូបកាយទេតើនោះមានប្រយោជន៍អ្វី? 17រីឯជំនឿក៏ដូច្នោះដែរបើគ្មានការប្រព្រឹត្ដិទេនោះស្លាប់ហើយ 18ប៉ុន្ដែអ្នកខ្លះនឹងនិយាយថាអ្នកមានជំនឿរីឯខ្ញុំមានការប្រព្រឹត្ដិ។ ដូច្នេះចូរបង្ហាញខ្ញុំអំពីជំនឿរបស់អ្នកដែលគ្មានការប្រព្រឹត្ដិហើយខ្ញុំនឹងបង្ហាញអ្នកអំពីជំនឿរបស់ខ្ញុំតាមរយៈការប្រព្រឹត្ដិវិញ។ 19អ្នកជឿថាមានព្រះជាម្ចាស់តែមួយនោះត្រឹមត្រូវហើយសូម្បីតែអារក្សក៏ជឿដូច្នេះដែរហើយវាភ័យខ្លាចទៀតផង។ 20ឱមនុស្សឥតប្រាជ្ញាអើយ! តើអ្នកចង់ដឹងដែរឬទេថាជំនឿដែលគ្មានការប្រព្រឹត្ដិគឺគ្មានប្រយោជន៍អ្វីឡើយ។ 21តើលោកអ័ប្រាហាំដែលជាដូនតារបស់យើងមិនត្រូវបានរាប់ជាសុចរិតដោយសារការប្រព្រឹត្ដិនៅពេលគាត់ថ្វាយអ៊ីសាកជាកូនប្រុសរបស់គាត់នៅលើកន្លែងថ្វាយតង្វាយទេឬ? 22អ្នកឃើញថាជំនឿគួបផ្សំជាមួយការប្រព្រឹត្ដិរបស់គាត់ហើយដោយសារការប្រព្រឹត្ដិរបស់គាត់បានធ្វើឲ្យជំនឿគ្រប់លក្ខណ៍ 23និងបានសម្រេចតាមបទគម្ពីរដែលចែងថាលោកអ័ប្រាហាំបានជឿព្រះជាម្ចាស់ហើយគាត់ត្រូវបានរាប់ជាសុចរិតដោយសារចំនឿនោះឯងព្រមទាំងត្រូវបានហៅថាជាសម្លាញ់របស់ព្រះជាម្ចាស់។ 24ដូច្នេះអ្នករាល់គ្នាឃើញហើយថាមនុស្សត្រូវបានរាប់ជាសុចរិតមិនមែនដោយសារជំនឿប៉ុណ្ណោះទេគឺដោយសារការប្រព្រឹត្ដិដែរ។ 25រីឯនាងរ៉ាហាបជាស្ដ្រីពេស្យាក៏ដូច្នោះដែរតើនាងមិនត្រូវបានរាប់ជាសុចរិតដោយសារការដែលនាងបានប្រព្រឹត្តទេឬគឺក្នុងកាលដែលនាងបានទទួលពួកអ្នកនាំសារហើយបានឲ្យពួកគេចេញតាមផ្លូវមួយទៀត។ 26ដូច្នេះរូបកាយគ្មានវិញ្ញាណស្លាប់ជាយ៉ាងណានោះជំនឿដែលគ្មានការប្រព្រឹត្ដិក៏ស្លាប់ជាយ៉ាងនោះដែរ។
Copyright information for
KhmKCB